عصير التفاح و العنب الاخضر بالحليب من كوزينتي بالصور كالعادة
السلام عليكم ورحمة الله وبركاتة
حبيباتي عواشركم مباركة
و الله يبارك لينا في شهر رمضان الكريم
و يدخلو علينا بالصحة و العافية و الخير ...
و يجعلنا ممن تغفر ذنوبهم و تقبل عباداتهم في هذا الشهر الفضيل
مع هاد الصعد كنبغيو غير حاجات باردة
و مع الصيام كنبغيو ايضا حاجة صحية مغذية و مقوية
باش تساعنا ندوزو يوم صيام صحي
و نتخلصو من اكبر قدر من السموم للي متراكمة فاجسامنا طيلة السنة
طبعا فوائد الصيام للانسان المعافى معروفة
(الله يديم علينا الصحة و العافية و شافي كل مرضى المسلمين)
لكن قليل منا للي كيعرف فوائد الفواكه و الخضر للي نعم علينا الله بيها
خصوصا ان رمضان هاد العام جا فالصيف
موسم الخير والتنوع فالفواكه و خيرات الارض
اليوم غنقدم ليكم عصير صحي جدا جدا
بفاكة مباركة ذكرت فالقران الكريم
{ ثُمَّ شَقَقْنَا الْأَرْضَ شَقًّا * فَأَنبَتْنَا فِيهَا حَبًّا * وَعِنَبًا وَقَضْبًا } صدق الله العظيم
لكن معرفناش بقيمتها و اهملناها
و لو اننا نعرفو للي فيها كون كليناها من القشر للنوى و ملحنا والو
لانها كلها فائدة
كثرت الهضرة عليكم كيف العادة ههههه
المهم عصير اليوم هو عصير التفاح و العنب الاخضر بالحليب
كيجي غزآآال فالفطور او السحور او فالايام العادية
بخليكم مع المقادير و الطريقة
المقادير:
حسب عدد الاشخاص
تفاح
عنب اخضر
حليب
(انا استعملت لتر الا ربع ماء المثلج مع كاس كبير بودرة الحليب (نيدو)
و فنجان من مكعبات ثلج)
سكر حسب الذوق
نصف كاس عصير حامض (للحفاض على التفاح من التأكسد)
الكميات حسب عدد الاشخاص
مثلا الى درتو رابعة ديرو رابعة من كلشي المقادير بنفس الكمية
باش يجيكم العصير متجانس و سميك نوعا ما ماشي غير ماء جاري
الطريقة :
اولا كنرقدو العنب فالماء و الخل باش نتخلصو من المبيدات الحشرية و الحشرات للي ممكن تكون فعنقود العنب
بعدها كنشللوه مزيان بالماء و نقيوه
انا خليتو بالقشر ديالو و بالعلف
لانهم مفيدين خصوصا العلف ديال العنب
فيه مواد كتقاد الهرمونات خصوصا لينا كنساء كتفيدنا و كتحارب الشيخوخة : )
و كنغسلو التفاح و نقيوه
و نقطعوه مكعبات صغيرة
و نضيفو ليه نصف كاس عصير حامض
باش ميتاكسدش و يحافظ على لونو
ثم فالخلاط كنديرو مكعبات الثلج مع حبات العنب و التفاح
والحليب بودرة نيدو( او الحليب العبار )
و قليل من الماء
غير القياس فاش عنطحنو الفواكه مزيان
و كنطحنو الكل مزيان
حتى كيتجانسو و كنضيفو قياس الماء الكافي الى عملتوه بحالي بنيدو
اما الى عملتوه بحليب العبار فضيفو الكمية المتبقية من الحليب
باش يعطينا عصير ثقيل و قوامو عاقد
مكنضيفش السكر لان حواة الفواكه تكفيني
انتم اضيفو السكر حسب الذوق
و نقدموه مباشرة بالصحة و الراحة
التقديم:
قدمتو مباشرة
مزين بعنيقيد عنب
هو عصير ساهل سريع و مغذي و منعش فنفس الوقت
و ممكن تعوضو التفاح باي فاكهة متوفرة عندكم
و بالصحة و الراحة
ملاحظة:
كيف قلت العنب مفيد بكل الواني اخضر احمر او اسوداو حتى مجفف /زبيب
و هو كلو على بعضو صالح للاكل و مفيد للجسم سواء الاوراق او العلفة او الجلدة او العنبة
و هنا غنذكر بعض المنافع ديال العنب
تركيب العنب :
العنقود الطازج يحتوي على : ماء 82% ، غلوسيدات 16% ، أملاح معدنية ، بوتاسيوم ، حديد ، سيلينيوم ، بورون ، فيتامينات PP ، A ، B6 ، B5 ، B2 ، B1 ، C
- الثمار المجففة ( الزبيب ) غنية جداً بالسكر والبوتاسيوم والحديد مع كمية جيدة من فيتامين A وكل مشتقات فتيامين B
- يحتوي العنب على Phyochemicals مثل Ellagic acid و Resvertrol
- البذر يحتوي على Proantho cyanidins
استعمالات و فوائد العنب و بذر العنب الطبية :
- يحارب شيخوخة الانسجة و الاوردة و يقلل من التجاعيد، فللعنب مفعول معاكس لاشعة الشمس المضرة للبشرة و المسببة للكلف و شيخوخة البشرة ، وذلك عبر المواد المضادة للأكسدة Antioxidents التي يحتويها وبوجود فيتامين A
- وجود مادة Ellagic acid في العنب وبذر العنب يقك المواد المسرطنة الموجودة داخل الجسم ، وبذلك يمنع نمو السرطانات ويمنع تحول الخلايا الصحيحة إلى خلايا سرطانية
- إن وجود مادة Resveratrol رسفيراترول الموجودة في العنب وبذره يعطي حماية للقلب والأوعية الدموية ، و تمنع نشاف الأوعية الدموية .
- أثبت العلماء في جامعة كورنيل بأن العنب الأسود يحتوي كميات عالية جداً من Resveratrol لا يحتوي مثلها العنب الأبيض أو الأخضر ، ولكن يجب تناول جميع أنواع العنب بما يحتويه من مادة Ellagic acid والمواد الأخرى المفيدة
- يوصف العنب وبذره لعلاج أمراض الأوعية الدموية
- بسبب احتواء العنب الأحمر وبذره على معدن السيلينيوم Selenium ، يمنع العنب السرطانات ، كذلك بسبب تأثير السيلينيوم المضاد للأكسدة يعطي القلب والأوعية الدموية مناعة ضد الأمراض الدموية
- بسبب احتواء العنب وبذره على معدن Boron ، وهو يفيد النساء بعد انقطاع الطمث ، فيحافظ على معدلات عالية من الهرمون الأنثوي Oestrogen وبذلك يخفف المشاكل التي تواجهها النساء عند انقطاع الطمث
- يحتوي بذر العنب الأحمر خصوصاً على الكثير من المواد المسماة Proanthocyanidins وهي شبيهة بالمواد الموجودة بالنباتات والمسماة فلافونيدات Flavonoids وهي تحمي خلايا الدهن من مشاكل الجزيئات الحرة وتدميرها للأنسجة والخلايا ، وهي تمنع أيضاً أمراض القلب بأن تحمي مادى كولجين Collagen الضرورية لسلامة الأوعية الدموية
- تلعب بذور العنب باحتوائها مواد Proanthocyanidins دوراً مهماً في مكافحة الأمراض عن طريق تنشيط جهاز المناعة المقاوم للبكتيريا ، والفيروسات والفطريات ، كما تكافح الحساسية بأنواعها وتعمل كمواد مضادة للالتهابات .
...
و هناك فوائد اخرى الى جيت نذكر كلشي غيخصني ملف
لكن بالبحث فمحركات البحث غتلقاو كل مبغيتو لله الحمد
و ان شاء الله نزيدكم وصفات بالثمار المباركة المذكورة فالقرآن الكريم
و للي كلها فائدة للصائم و فالايام العادية باقي السنة
اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد
اللهم ادمها نعمة و بارك لنا فيها و اكتب لي بها حسنة طيبة و احفظها من الزوال
اللهم بلغنــا رمضــان ووفقنا لصيامه وقيامه و نيل عفوك و رضاك برحمتك يا ارحم الرحمين
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتن في رعاية الكريم
ليست هناك تعليقات:
إرسال تعليق